رایزنی رئیس‌جمهوری تاجیکستان با اشرف غنی درباره اوضاع افغانستان
دفتر رئیس جمهوری تاجیکستان اعلام کرد، امامعلی رحمان یکشنبه درخصوص وضعیت نظامی و سیاسی در افغانستان با اشرف غنی، رئیس جمهوری افغانستان به تبادل نظر پرداخت.
به گزارش ایسنا، به نقل از خبرگزاری اسپوتنیک، در این بیانیه آمده است که دو طرف در تماس تلفنی خودشان در رابطه با “تحولات نگران‌کننده” وضعیت سیاسی و نظامی در افغانستان، به ویژه وخامت اوضاع در مناطق شمالی افغانستان که هم مرز با تاجیکستان است، رایزنی کردند. امامعلی رحمان همچنین همتای افغان خود را در جریان ورود تعدادی از نیروهای افغانستان به کشورش قرار داد.
در همین حال، طرف تاجیک بر “موضع بدون تغییر” خود در قبال افغانستان تاکید کرد که روی عدم مداخله در امور داخلی این کشور و حمایت از تلاش‌های کابل در برقراری صلح و ثبات تمرکز دارد.
روسای جمهوری تاجیکستان و افغانستان همچنین در خصوص دیگر جنبه‌های روابط دوجانبه شامل همکاری امنیتی گفت‌وگو کردند و بر اهمیت حفاظت مرزی تاکید داشتند.
درگیری‌های خشونت‌بار و حملات مرگبار، به‌رغم مذاکرات صلح جاری میان دولت کابل و نمایندگان طالبان در دوحه قطر، افغانستان را ملتهب کرده است.
منبع:ایسنا